Чек ара кызматынын заманбап жаңы имараты курула баштады. УКМК төрагасы Камчыбек Ташиев курулушту баштоо маалында капсула салды.

Жаңы 4 кабаттуу имаратта тик учак коно турган аянтча да каралган жана анын курулушу 2027-жылдын ноябрь айында бүткөрүлөрү пландалууда.

Ташиев белгилегендей, мурда Чек ара кызматы окуу жайдын мурдагы жатаканасында иштеп келген. Бул жаңы имарат кызматтын толук кандуу иштешине шарт түзөт.

Буга чейин Чек ара кызматына 250дөн ашык имарат курулган, анын ичинде застава, пост жана бала бакчалар бар.