Чек арага жакын айылдардын тизмесине киргизүү критерийлери кайра каралат. Бул тууралуу министрлер кабинетинин төрагасынын биринчи орун басары Адылбек Касымалиев ведомстволор аралык жумушчу комиссиянын жыйынында тапшырма берди.

Комиссия өзгөчө макам алууга сунушталган чек арадагы калктуу конуштардын тизмесин карап чыкты. Андагы 73 айылдын ичинен 57си гана талапка жооп берери айтылды.

Белгилей кетсек, учурда чек арадагы айылдардын тизмесине 132 айыл жана 10 участок кирген.