Чолпон-Ата шаарындагы ат майданда 3-майда өкмөт башчынын байгеси үчүн ат чабыш жана ат оюндары өтөт. Бул тууралуу Суу ресурстары, айыл чарба жана кайра иштетүү өнөр жайы министрлиги кабарлады.

Жарыштын байге фонду 3 миллион сомду түзөт.

Мелдештин алкагында айыл чарба жарманкеси, асыл тукум жаныбарлардын көргөзмөсү, жылкы аукциону, чоңдор жана балдар үчүн ар кандай сынактар уюштурулат.

Кандай жарыштар өтөт:

• Кыз куумай – жуптар.
• Тыйын эңмей.
• Аламан байге – 20 км.
• 2 жаштагы таза кандуу англис породасындагы импорттолгон аттар үчүн ат чабыш – 1200 м.
• Кунан жорго (2 жылдык жорголордун) жарышы – 2 айлампа (3600 м).
• Кыргызстанда туулган таза кандуу англис породасындагы 2 жаштагы жылкылар үчүн ат чабыш – 1400 м.
• 2 жаштагы аттар үчүн ат чабыш (жарым кандуу тобу) 1400 м.
• Бышты жорго (3 жылдык жорголордун) жарышы – 3 айлампа (5400 м).
• 3 жаштагы англис таза кандуу породасындагы импорттолгон ат чабыш – 1600 м.
• Кыргызстанда туулган таза кандуу англис породасындагы 3 жаштагы жылкылар үчүн ат чабыш – 1800 м.
• Жорго спринт – 1 айлампа (2000 м).
• 3 жаштагы жана андан чоң аттар үчүн ат чабыш (жарым кандуу тобу) – 2000 м.
• Жорго салыш (4 жаштагы жана андан чоң жорголордун жарышы) – 5 айлампа (9000 м).
• 4 жаштагы жана андан чоң англис породасындагы импорттолгон жылкылар үчүн ат чабыш – 2000м.
• Кыргызстанда туулган 4 жаштагы жана андан чоң англис таза кандуу жылкылар үчүн ат чабыш – 2000 м.
• Лотерея ойнотуу.