Чүй облустук ооруканасына Эрнст Акрамовдун ысымы ыйгарылды. Бул тууралуу министрлер кабинетинин төрагасынын орун басары Эдил Байсалов Twitter баракчасына билдирди.

Анын айтымында, чечим бүгүн түштөн кийин жактырылды.

Бүгүн Эдил Байсалов Чүй облустук бириккен ооруканасында болуп, профессор, хирургия бөлүмүнүн башчысы, Кыргыз Республикасынын Баатыры Эрнст Акрамов менен жолугушкан.

Буга чейин кыргызстандыктар Чүй облустук ооруканасына Эрнст Акрамовдун ысымын ыйгаруу жана ага батир берүү өтүнүчү менен петиция түзүшкөн. Кийинчерээк министр Алымкадыр Бейшеналиев хирург Эрнст Акрамовдун аты аталган бөлүмгө да татыксыз экенин айтып, аны «лопуха» деп атаган.