Чүй облусунун Степное айылында аялдын башын бирөө кесип кетиптир деген маалымат чындыкка дал келбесин Чүй облустук ички иштер башкармалыгынан билдиришти.

Маалыматка ылайык, 5-сентябрда Жайыл райондук милициясы  бул окуя боюнча угаар замат Степное айылындагы үйлөрдүн бирине барганда үйдүн артынан бычакталып өлтүрүлгөн аялдын сөөгүн табышкан. Ал 60 жаштагы С.Т. аттуу аял экени такталган.

Кошуналары каза тапкан аялдын үйү түтөп күйүп жатканын көрүшүп, ичине кирсе матрац түтөп жаткан болот. Бычакталган аялдын сөөгүн көрүп милицияга кабар беришкен.

Учурда окуя иликтенүүдө. Буга чейин аялдын башы кесилип калган деген маалыматтар тарап кеткен болчу.