Чүй облусунун Сокулук районунда мал уурдоого шектелип 31 жаштагы жаран кармалды. Бул тууралуу Чүй облустук милициясынан билдиришти.

Маалыматка караганда, райондук милицияга Б.С. аттуу жаран кайрылып, 10-октябрда Фрунзе айылындагы үйүнөн белгисиз адамдар баасы 240 миң сом болгон сүт багытындагы асыл тукум уюн уурдап кеткенин билдирген.

Аталган окуя боюнча Кылмыш-жаза кодексинин 205-беренеси (Уурулук) боюнча кылмыш иши козголгон.

Ыкчам-иликтөө иштеринин натыйжасында бул кылмышты жасоого шектүү катары 31 жаштагы А.Д. аттуу жаран кармалган. Учурда ал убактылуу кармоочу жайга камакка алынган.

Биздин Телеграм каналга катталыңыз