Киши өлтүрүүгө шектелген жаран кармалганын 13-январда Чүй облустук милициядан билдиришти.
11-январга караган түнү Кайыңды шаарындагы батирлердин биринен адамдын сөөгү табылгандыгы тууралуу милицияга чакыруу түшкөн. Окуя болгон жерге милиция кызматкерлери келип, маркумдун өздүгүн такташкан. Ал 1988-жылы туулган А.К. экени белгилүү болгон. Мындан тышкары, анын денесинде зомбулук, күч колдонуу менен өлтүрүү белгилери катталган.
Бул факты Кылмыш-жаза кодексинин 122-беренеси («Киши өлтүрүү») менен катталды.
Чүй облусунун милиция кызматкерлери тарабынан кылмышка шектүү катары 1987-жылы туулган А.А. кармалып, ал убактылуу кармоочу жайга киргизилди.
Учурда тергөө иштери жүрүп жатат.
