Чүйдүн Сокулук районунда 35 жаштагы эркек киши жашы жете элек өгөй кызын зордуктоого шектелүүдө. Бул тууралуу облустук милициядан билдиришти.

15-майда 40 жаштагы аял милицияга 2006-жылы туулган кызын күйөөсү зордуктаганын айтып, тийиштүү чара көрүү үчүн арыз жазган.

Маалым болгондой, арыз ээси күйөөсү менен 2012-жылдан бери жашап келе жатат, ал эми жабырлануучу кызы биринчи турмушунан болгон.

Шектүүгө кылмыш иши козголуп, убактылуу кармоочу жайга камакка алынган. Ал жубайы жалган-жалаа жабып жатканын билдирген.

Учурда сотко чейинки өндүрүш ишинин алкагында тийиштүү жумуштар аткарылып жатканы кабарланат.