Чүй облусунда 11-июлга караган түнү жүргүнчү таксинин айдоочусуна бир нече жолу бычак сайып, качып кеткен. Бул тууралуу Reporter.kg’ге Чүй облустук милициядан билдиришти.

Маалыматка караганда, жүргүнчү таксиге буйрутма берип, Бишкектен Новопавловка айылына айдатып барган. Такси жеткиргенден кийин ал жол кирени мобилдик тиркеме аркылуу төлөгөн. Бир учурда эч себепсиз айдоочуга бычак шилтеп, бир нече жолу уруп жиберген.

Белгилүү болгондой, жүргүнчү унаанын ачкычын алууга аракет кылган. Бирок жарадар болгон таксинин айдоочусу ачкычты алып, качып кеткен. Ачкыч жок болуп калгандан кийин кылмышкер изин жашырып кеткен.

Учурда милиция шектүүнүн өздүгүн тактап, кармоо боюнча иштерди жүргүзүүдө.

Биздин Телеграм каналга катталыңыз