Бүгүн, 10-февралда Чүй облустук төрөт үйүндө төрт эм төрөлдү. Бул тууралуу Саламаттык сактоо министрлигинен билдиришти.

Маалыматка караганда, төрөт кесарево жолу менен болгон. 29 жаштагы А.К. аттуу келин бир уул жана үч кыз төрөгөн.

Биринчи ымыркай (кыз) салмагы 2494 грамм, бою 48 см, экинчиси (кыз) салмагы 2048 грамм, бою 46 см, үчүнчүсү (кыз) салмагы 2218 грамм, бою 46 см жана төртүнчүсү (эркек) салмагы 2432 грамм, бою 48 см болуп төрөлгөн.

Дарыгерлердин айтымында, эне менен балдардын абалы канааттандырарлык деп бааланууда.

Биздин Телеграм каналга катталыңыз