Алай районундагы Чыйырчык ашуусуна тарыхый инсандар — Алымбек датка менен Курманжан датканын айкелдери коюлду. Бул тууралуу президенттин Оштогу өкүлчүлүгү кабарлады.

Айкелдер орнотулган аймакта конок тосууга ылайык шарттар түзүлүп, атайын жай курулду. Анда:

• тамактануучу жай,
• фотозона,
• намазкана,
• терраса жана эс алуу зонасы бар.

Мындан тышкары, Чыйырчык ашуусунан Алай районунун кире беришине чейинки 9,5 чакырым жол толук жарыктандырылды. Бул иштерге жалпысынан 9,7 млн сом каражат жумшалганы маалымдалды.