Полковник Данияр Исаков Кыргызстандын Куралдуу Күчтөрүнүн Улуттук гвардиясынын командачысы болуп дайындалды.

Коргоо министрлиги билдиргендей, тиешелүү буйрукка коргоо министри Руслан Мукамбетов кол койду. Буга чейин бул кызматты Талантбек Эргешов ээлеп келген.

Данияр Исаков 1992-жылдан бери Куралдуу Күчтөрдө кызмат өтөп келет.

Ал 1974-жылы 1-майда Ош облусунун Кара-Суу районундагы Жаңы-Арык айылында туулган. 1981-1991-жылдары Калинин атындагы №70 орто мектепти, 2000-жылы И. Арабаев атындагы Кыргыз мамлекеттик университетин аяктаган. 2018-жылы РФ Куралдуу Күчтөрүнүн Жалпы аскердик академиясын бүтүргөн.