Бүгүн, 11-августта Жогорку Кеңеште депутат Дастан Бекешев Ирактын абактарында камалып жаткан кыргызстандык аялдардын жакын туугандары менен жолугушуу өткөрдү. Бул тууралуу парламенттин басма сөз кызматы билдирди.

Эл өкүлүнүн айтымында, учурда Иракта 40 тан ашуун кыргызстандык аялдар бар. Буга чейин президенттин жардамы менен бир топ аялдар менен балдар Кыргызстанга алынып келинген. Бекешев Ирактагы аялдарды да мекенге кайтаруу үчүн тиешелүү чаралар көрүлүшү керектигин билдирген.

«Алар жакшы жашоо табам деген үмүт менен кетип, 5 жылдан ашык убакыттан бери чоочун өлкөдө кармалып турушат. Бул абдан орчундуу жана баарыбызды тынчсыздандырган маселе», – деген ал өз сөзүндө.