Жогорку Кеңештин төрагасы болуп турган учурда (2021-жылы) Талант Мамытовдун чыгашасы 2 миллион 400 миң сомго жетсе, кирешеси 816 миң 416,48 сомду түзгөн. Бул тууралуу Мамлекеттик салык кызматынын сайтында жарыяланган саясатчылардын жана мамлекеттик кызматкерлердин декларациясында белгиленет.

Документке ылайык, 2021-жылдын жыйынтыгы боюнча ЖКнын мурдагы төрагасы Талант Мамытовго жана анын жакын туугандарына кыймылсыз мүлк катталган эмес.

Мамытовго катталган кыймылдуу мүлктөрдүн ичинен ири мүйүздүү жана майда мал, ошондой эле жалпы баасы 2 миллион 400 миң сомдук жылкылар бар экендиги көрсөтүлгөн.

Декларацияда мурунку төраганын жакын туугандары баасы көрсөтүлбөгөн Kia K5 унаасына ээлик кылары жазылган.

Биздин Телеграм каналга катталыңыз