Жогорку Кеңештин депутат Дастан Бекешев армениялык жана абхазиялык номерлер менен жүргөн унааларга мунапыс берип, аларды каттоого уруксат берүүнү сунуштады. Бул тууралуу ал бүгүн, 5-декабрда парламенттин жыйынында билдирди.
Ал учурда армениялык жана абхазиялык номерлер тагылган унаалар айып короосуна коюлуп жатканын, ал мыйзамдын талабы экенин айтып, бирок жарандарды кыйнабай мунапыс берүү туура болорун белгиледи.
«Мунапыс кылсак, биздин бюджетке акча түшөт, жарандарга да жакшы болот. Жарнадарды жүдөтпөй ушуну жасайлы», — деди ал.
