Тажикстандын Кыргызстанга кол салуусу учурунда аскерлер жетиштүү түрдө ок-дары менен камсыз болгон эмес. Бул тууралуу Жогорку Кеңештин жыйынында депутат Камила Талиева билдирди.
Анын айтымында, аскер кампаларында эски ок-дарылар болгон.
“Чек арадагы кагылышууда аскерлерге мөөнөтү өтүп кеткен ок-дарылар берилип, алар атылбай койду. Утилизация болушу керек болчу. Көп нерсени ачык айта албайм. Ок-дары жетишпесе дагы биздин жоокерлер баатыр экен, туруп беришти”, — дейт Камила Талиева.
Коргоо министринин орун басары Эрлис Тердикбаевдин айтымында, Баткенде ачылган жаңы заставаларга курал-жарак кампалары курулат.
Белгилей кетсек, 2021-жылдын май айында жана 2022-жылдын сентябрь айында ири кагылышуу катталып, анын жыйынтыгында биринчи жолу 36, экинчисинде 62 киши каза болду.
Биздин Телеграм каналга катталыңыз
