Ош шаарында опузалап акча талап кылууга шектелип уюшкан кылмыштуу топтун мүчөсү кармалды. Бул тууралуу Ички иштер министрлигинен билдиришти.
Белгилүү болгондой, кармалган жаран (И.К.) Ноокат районунун тургунун коркутуп, 500 миң сом опузалаган.
Аталган фактыга байланыштуу Кылмыш-жаза кодексинин 208-беренеси (опузалап акча талап кылууга) боюнча кылмыш иши козголгон.
Ыкчам-иликтөө иштеринин жүрүшүндө шектүү 166 миң сом алып жаткан жеринен Ош шаарынын аймаганынан колго түшүрүлгөн.
ИИМдин маалыматы боюнча кармалган И.К. аларда уюшкан кылмыштуу топтун мүчөсү катары каттоодо турат жана буга чейин каракчылык иши боюнча соттолгон.
Ал убактылуу кармоочу жайга камакка алынган. Учурда иликтөө иштери жүрүүдө.
Биздин Телеграм каналыбызга катталыңыз
