Мурдагы президент Курманбек Бакиевдин уулу Максим Бакиевге мурда таандык болгон Бишкектеги жер президенттин иш башкармалыгынын менчигине өттү. Бул тууралуу Жогорку Кеңештин депутаты Дастан Бекешев билдирди.
Анын айтымында, аталган жерлер Скрябин көчөсүндө 45 жана 45 А дареги боюнча жайгашкан. Президенттин иш башкармалыгы аталган жерлерге көп кабаттуу үй курууну пландап жатат.
«Бишкек башкы архитектура» мекемесинин депутатка берген жообунда, аталган жер тилкеде көп кабаттуу үй менен бирге башка объекттер, анын ичинде бала бакча да куруу каралганын билдирген.
Биздин Телеграм каналга катталыңыз
