Кыргызстанда Жогорку Кеңештин депутаттарын мөөнөтүнөн мурда шайлоо үчүн талапкерлерди каттоо аяктады.

30-октябрь — Борбордук шайлоо комиссиясына документ тапшыруу үчүн акыркы күн болду.

БШКнын расмий маалыматы боюнча, 30 шайлоо округунан 589 жаран өз талапкерлигин көрсөткөн. Алардын ичинен 365 — эркек, 224 — аял.

Бүгүнкү күндө 168 талапкер расмий катталып, күбөлүк алышкан. Ошол эле учурда 19 жаран шайлоого катышуудан өз ыктыяры менен баш тарткан, ал эми жети адамга каттоодон өтүүгө уруксат берилген жок.

Эске салсак, Кыргызстанда мөөнөтүнөн мурдагы парламенттик шайлоо 2025-жылдын 30-ноябрына белгиленген.