30-августтан 6-сентябрга чейин Бишкек шаарында жана Ысык-Көл облустарында маал-маалы менен жолдор жабылып, унаа кыймылына чектөөлөр киргизилет. Чектөөлөр Кыргызстанда өтө турган Дүйнөлүк көчмөндөр оюндары (ДКО) жана Шанхай кызматташтык уюмунун (ШКУ) байланыштуу болот. Бул тууралуу Ички ички иштер министрлиги билдирди.

Бишкек шаары боюнча чектөөлөр:

• Манас эл аралык аэропортунан баштап Васильевский тракт жана Фучик көчөсү;
• Чүй, Манас жана Чыңгыз Айтматов проспектилери;
• Жусуп Абдрахманов жана Байтик Баатыр көчөлөрү;
• Абсамат Масалиев жана Жайыл Баатыр проспектилери;
• Барпы Алыкулов көчөсү.

Ошондой эле Дүйнөлүк көчмөндөр оюндарына даярдык көрүүгө байланыштуу «Бишкек Арена» стадионунун тегерегиндеги жолдор мезгил-мезгили менен жабылууда.

Ысык-Көл облусу боюнча чектөөлөр:

• «Тамчы» эл аралык аэропортунан Чолпон-Ата шаарына чейинки тилке;
• Чолпон-Атадагы ат майданынын аймагы;
• Кырчын капчыгайына баруучу жол.

Ички иштер министрлиги жарандарды коопсуздук чараларына түшүнүү менен мамиле кылууга жана жол жүрүү багыттарын алдын ала пландаштырууга чакырат. Бул күндөрү укук коргоо органдары коомдук тартипти камсыз кылуу үчүн күчөтүлгөн тартипте иш алып барышат.