Ноокат районунун А. Мирмахмудов айыл аймагындагы чөп базардан сатуучулар Кызыл китепке киргизилген кумай канаттуусун таап алышкан. Табылган канаттуу Жаратылыш ресурстары, экология жана техникалык көзөмөл министрлигинин инспекторлоруна өткөрүлүп берилген.

Жаратылыш ресурстары министрлигинин маалыматында, кумай Ноокат райондук ветеринария башкармалыгында текшерүүдөн өткөрүлгөн. Дарыгерлер канаттуунун абалы жакшы экенин жана эч кандай оорусу жоктугун тастыкташкан.

Медициналык кароодон кийин сейрек кездешүүчү кумай кайрадан жаратылышка, өзүнүн табигый чөйрөсүнө коё берилген.