Фискалдык жана инвестициялык саясат боюнча кеңеш Кыргызстандын 2027–2031-жылдарга карата фискалдык саясатынын негизги багыттарынын долбоорун жактырды. Бул тууралуу Министрлер кабинетинин басма сөз кызматы билдирди.

Жыйын Министрлер кабинетинин төрагасынын орун басары Адылбек Касымалиевдин төрагалыгы алдында өттү.

Долбоорду финансы министри Руслан Сүйналиев тааныштырды. Жыйындын катышуучулары 2027–2031-жылдарга карата киреше жана чыгашалардын параметрлерин, инфраструктуралык долбоорлорду каржылоону, ошондой эле ар кандай тармактардагы мамлекеттик чыгашаларды талкуулашты.

Талкуунун жыйынтыгында кеңеш долбоорду бир добуштан жактырды.