Бүгүн, 27-декабрда «Дордой Дыйкан» базарынын жумушчулары митингге чыгышты.
Алар министрлер кабинетинин ККМди киргизүү боюнча чечимине нааразы.
«Биз Салык кызматынын жетекчилигине телефон чалганбыз, бирок алар келген жок. Алардын аргументтерин уккубуз келди. Биз жер салыгын, патентти, социалдык төлөмдөрдү төлөйбүз, бул жерде жашоо оңой эмес. Акыркы кардар келгенче, саат 14:00гө чейин иштейбиз. Эгерде алар ККМди киргизсе, анда биз такыр жумушсуз калганыбызды эсептегиле», — деди сатуучулардын бири.
Митингге жүзгө жакын адам чыкты.
