Улуттук коопсуздук мамлекеттик комитети борбордогу ири дүкөндөрдүн биринде алдамчылык фактысын аныктады.

Маалыматка ылайык, ЦУМдагы “Мостовой” соода түйүнүндө иштеген айрым сатуучулар телефон оңдогон адистер менен тил табышып, смартфондордун микросхемаларын алмаштырышкан. Натыйжада, 256 GB эс тутумдагы iPhone’дор жасалма түрдө 1 TB деп көрсөтүлүп, кайра кутуга салынып, жергиликтүү басмаканада даярдалган “заводдук” стикер менен жаңыдай сатылган.

УКМК сатып алуучуларга телефондорун iUnlocker сайты аркылуу текшерүүгө чакырат. Эгерде заводдук параметрлерине туура келбесе же өз алдынча текшерүү мүмкүн болбосо, жарандар 0 995 300 871 номуруна байланышса болот.