Алдыңкы беш жылда дүйнөлүк экономика болжол менен 3% өсөт. Бул 1990-жылдан берки эң жай темп. Бул тууралуу Эл аралык валюта фондунун жетекчиси Кристалина Георгиевага таянып BBC World жазды.
Кристалина Георгиева Вашингтондо ЭВФтин жылдык жыйынында сүйлөдү.
“Алдыдагы жол татаал жана тумандуу, көйгөйлөрдү чечүү үчүн кызматташуу барган сайын татаалдашып баратат”, — деди ал.
Ал өз сөзүндө кирешеси аз өлкөлөргө көбүрөөк жардам көрсөтүүгө чакырды.
«Биздин глобалдык үй-бүлөбүздүн эң алсыз мүчөлөрү үчүн бай өлкөлөрдүн кошумча колдоосу абдан маанилүү«, — деди ЭВФтин жетекчиси.
Ошондой эле, Георгиева бай өлкөлөрдү муктаж болгон өлкөлөргө арзан насыяларды берген Эл аралык валюта фонду үчүн каражаттарды көбөйтүүгө чакырды.
Ковид-19 кризисинин соккулары, Украинадагы согуш жана жашоонун кымбатташынан улам, уюм жардам берүү же карызды реструктуризациялоо өтүнүчтөрүнүн толкунуна даярданып жатат.
Былтыркы жылы дүйнөлүк өсүш 2021-жылдагы пандемиядан кийинки өсүштөн кийин дээрлик эки эсеге кыскарып, 3,4%га чейин төмөндөгөн.
«Өнүккөн экономикалардын 90%га жакынында өсүш басаңдашы күтүлүүдө. Бул борбордук банктар асмандап бараткан бааларды турукташтыруу үчүн пайыздык чендерди кескин жогорулаткандан кийин карыз алуу боюнча жогорку чыгымдардын салмагын чагылдырат«, — деп айтылат маалыматта.
Кирешеси төмөн өлкөлөргө экспорт суроо-талабы алсыраганда жогорку карыз чыгымдар пайда болору белгиленген.
«Бул кирешеси төмөн өлкөлөргө жетишүүнү ого бетер оорлото турган чоң сокку», — деди Георгиева.
Биздин Телеграм каналыбызга катталыңыз
