Кыргызстандык дзюдочу Эрлан Шеров (90 кг) Казакстанда өтүп жаткан Азия чемпионатынын финалына чыкты. Бул тууралуу Кыргызстандын дзюдо федерациясынан билдиришти.
Ал таймашты чейрек финалдан баштап, алгачкы кармашында кытайлык спортчуну жеңген. Жарым финалдык беттеште казакстандык балбан Хамза Дидарды жеңип алган.
Финалдык таймашта ал япониялык балбан Санширо Мурао менен күч сынашат.
Эскерте кетсек, кечээ, 5-августта Азия чемпионатында Чыңгызхан Сагыналиев (73 кг) коло медаль уткан.
Бардык жаңылыктар Телеграм каналда
