Нарын районундагы Нарын – Оруктам унаа жолунун 39-чакырымындагы Эки-Нарын көпүрөсү ачылып, каттам берилгенин Транспорт жана коммуникациялар министрлиги тастыктады.

Көпүрөнүн пайдубалы даярдалып, арматуралар орнотулуп, бетон куюу иштери жүргүзүлгөн. Андан соң негизги конструкция чогултулуп, монтаждоо иштери аткарылган. Учурда темир тосмолору жана тиешелүү жол белгилери орнотулуп, каттам берилди.

Алдыда көпүрөнүн кирүү-чыгуу бөлүгүнө жол элементтери (парапеттер) коюу иштери пландалууда.