Эки-Нарын айылында урап түшкөн көпүрөнүн ордуна жаңы көпүрө курулушу башталды. Аймакка транспорт министри, ӨКМ башчысы жана президенттин өкүлү барышты.

Транспорт министрлигинин маалыматына караганда, учурда көпүрөгө бетон куюу иштери жүрүп жатат. Ошондой эле Эки-Нарын айылына барчу альтернативдик жол да салынууда.

Эске салсак, 13-августта Нарын — Оорук-Там унаа жолунун 39-чакырымындагы көпүрө кыйрап, оор жүк ташыган унаа сууга кулап кеткен. 41 жаштагы айдоочунун сөөгү кечээ табылган.