Бүгүн Коргоо министрлигине таандык Ми-8 тик учагы Жеңиш чокусуна жакын жерден кырсыктады.

Маалыматка караганда, тик учак чокуга чыккан учурда каза болгон (алдын ала бир италиялык турист) жана жаракат алган альпинисттерди эвакуациялоого жөнөгөн.

«Катаал аба ырайынан улам тик учак тоого конууга аргасыз болду. Экипаж мүчөлөрү жана куткаруучулар аман, бирок бир нече адам жаракат алган. Жабыркагандарды эвакуациялоо үчүн башка адистер жөнөтүлдү», – деп айтылат министрликтин маалыматында.