Тет-а-тет форматындагы жолугушууда Кыргызстан президенти Садыр Жапаров менен Орусия президенти Владимир Путин “тынч” атом тармагы, күн жана шамал электр станцияларын куруу, санариптик экономика, транспорттук-логистикалык чөйрөдө кызматташууну кеңейтүү боюнча чоң потенциал бар экенин талкуулашты.

Келишүүнүн негизги темасы коопсуздук маселелери бойдон калууда. Белгилүү болгондой, Россия Федерациясы эки тараптуу жана ЖККУ алкагында биздин региондо тынчтыкты камсыз кылууга жоопкерчиликти өзүнө алат жана аны жарыялайт.