Министрлер кабинети 2024-жылы 30 миң жумуш орун түзмөкчү. Бул тууралуу Жогорку Кеңеште экономика министри Данияр Амангелдиев билдирди.

Анын айтымында, өлкөдө жумушсуздук 21 пайызды түзөт. Иш менен камсыз болгондордун саны 1,8 пайызга өсүп, 30 миң жаңы орундар ачылат.

“Баткен, Ош, Чүй – баардык аймактарда ишканалар ачылат”, – деди ал.

Белгилей кетсек, 2024-жылы республикалык бюджет 600,7 миллиард сом эсебинде пландалууда. Чыгымдар 358 миллиард сомду түзөт.

Биздин Телеграм каналга катталыңыз