Кыргыз Республикасынын Эмгек, социалдык камсыздоо жана миграция министрлиги колдонуудагы Эмгек кодексинде абанын аномалдуу жогорку температурасына байланыштуу жумуш убактысын милдеттүү түрдө кыскартуу каралбаганын билдирди.

Ошол эле учурда мыйзамга ылайык, иш берүүчүлөр кызматкерлер үчүн коопсуз эмгек шарттарын камсыз кылууга милдеттүү.

Министрлик эмгекти коргоо талаптарын сактоо ар бир иш берүүчүнүн милдети экенин белгиледи. Бул кызматкерлердин өмүрүн, ден соолугун жана эмгекке жөндөмдүүлүгүн сактоого багытталган.