Айыл чарба министрлиги фермерлерге жана дыйкандарга 1210 бирдиктүү байланыш борбору аркылуу маалыматтык-кеңеш берүү кызматын сунуштайт. Бул тууралуу мекеменин басма сөз кызматы билдирди.

Эми жарандар 1210 кыска номерине чалып, төмөнкү багыттар боюнча акысыз кеңеш ала алышат:

• өсүмдүк өстүрүү жана мал чарбачылыгы;
• ветеринария жана өсүмдүктөрдү коргоо;
• үрөн, жер семирткич жана суу ресурстарын пайдалануу;
• жеңилдетилген насыялар, субсидиялар жана мамлекеттик программалар;
• продукцияны өндүрүү, кайра иштетүү жана сатуу.

Министрликтин адистери суроолорго ыкчам жооп берип, маалыматтык колдоо көрсөтүшөт. Бул кызмат мамлекеттик кызматтарга жеткиликтүүлүктү жогорулатуу жана агрардык сектордун өкүлдөрүнө көмөк көрсөтүү максатында иштейт.