Бүгүн, 3-августтун экинчи жарымында жана 4-августтан 6-августка чейин Кыргызстандын тоолуу жана тоо этектериндеги райондорунда катуу нөшөрлүү жаан күтүлөт. Бул тууралуу Өзгөчө кырдаалдар министрлиги (ӨКМ) билдирди.

Аталган күндөрү күтүлүп жаткан жаан-чачынга байланыштуу сел жүрүү жана суу каптоо коркунучу жогорулайт. ӨКМ жарандарды жана туристтерди этият болууга, дарыялардын нугуна жана сел каналдарына жакын барбоого чакырат. Ошондой эле тоолуу аймактарга сапарга чыгууда аба ырайынын божомолун эске алуу сунушталат.