Эми орусиялык жарандар квалификациялуу электрондук кол тамганы Орусияга барбастан Кыргызстанда туруп ала алышат. Бул тууралуу аталган өлкөнүн Кыргызстандагы элчилиги кабарлады.

Маалыматка ылайык, Орусиянын жарандарына электрондук кол тамганы берүү иштерин Бишкек шаарындагы «Основание» күбөлөндүрүү борбору жүргүзүүдө.

Квалификациялуу электрондук кол тамга аркылуу Орусиянын жарандары аралыктан документтерге кол коюп, мамлекеттик кызматтарды колдонуп, орусиялык банктарда эсеп ачып, кыймылсыз мүлк боюнча бүтүмдөрдү жүргүзүп жана башка электрондук кызматтарды пайдалана алышат.

«Жакында КЭПтин мүмкүнчүлүктөрү дагы кеңейет. Салык кызматы жана социалдык фонд менен өз ара иш алып баруу Орусияга барбай эле жеткиликтүү болот», – деп билдирди элчилик.