2027-жылдын 1-январынан баштап мектептеги бир окуучунун бир күндүк тамак-ашын каржылоо 40 сомго чейин жогорулатылат. Тиешелүү чечимди өлкө башчы Садыр Жапаров кабыл алды. Бул тууралуу президенттин басма сөз кызматы билдирди.

Маалыматка ылайык, учурда 1-4-класстардын окуучуларынын тамактануусуна республикалык бюджеттен күнүнө 14 сомдон бөлүнүп келет. Каржылоонун көбөйтүлүшү окуучулардын рационуна эт, балык жана сүт азыктарын кошууга, жашылча-жемиштердин түрүн көбөйтүүгө жана тамактануунун тең салмактуулугун камсыз кылууга шарт түзөт.

Ошондой эле бул чара өлкө аймактарындагы мектеп тамак-ашын уюштуруудагы айырмачылыктарды азайтуу жана ата-энелердин каржылык жүгүн жеңилдетүү максатын көздөй турганы айтылды.