Тажикстандын президенти Эмомали Рахмон Чолпон-Атада өтүп жаткан Борбордук Азия жана Азербайжан мамлекет башчыларынын консультативдик жолугушуусунун жүрүшүндө аймактагы өлкөлөргө ички муктаждыктарды камсыз кылуу үчүн биргелешип ири мунай иштетүүчү завод курууну сунуштады.

Тажикстандын президентинин айтымында, дүйнөлүк жана аймактык энергетикалык рыноктордогу курч кырдаал Борбордук Азия мамлекеттерине түздөн-түз таасирин тийгизүүдө.

«Келгиле, бүгүнкү күндүн реалдуулугун эске алуу менен бул өтө маанилүү маселе жөнүндө биргеликте ойлонолу. Тиешелүү мекемелерибизге эң жаңы технологияларды тартуу менен аймакта ири мунай иштетүүчү завод куруу маселесин иштеп чыгууну тапшырууну сунуштайм. Мында биринчи кезекте өлкөлөрдүн ички муктаждыктары эске алынышы керек», — деди ал.