Тажикстандын президенти Эмомали Рахмон 30-июлда Борбор Азия мамлекеттеринин башчыларынын бейформал консультативдик жолугушуусуна жана Азербайжандын президентинин катышуусунда өтө турган жыйынга катышуу үчүн Кыргызстанга келди. Бул тууралуу министрлер кабинетинин басма сөз кызматы билдирди.

Анын маалыматына ылайык, иш-чара Ысык-Көл облусунун Чолпон-Ата шаарында өтөт.

Маалыматка караганда, жогорку даражалуу конокту «Ысык-Көл» эл аралык аэропортунан министрлер кабинетинин төрагасы – президенттин администрациясынын жетекчиси Адылбек Касымалиев тосуп алды.