Нарын шаарына 11 даана күйүүчү май менен жүрүүчү автобус жана чарба мекемелерине атайын техникалар сатып алуу боюнча заводдор менен келишимдер түзүлдү. Бул тууралуу мэрия билдирди.

Маалыматка ылайык, автобустарды сатып алуу боюнча кытайлык “Ютонг” заводу менен келишим түзүлүп, компания 30 орундуу, мүмкүнчүлүгү чектелген жарандар үчүн орундар менен жабдылган, заманбап шарттары бар автобустарды 65 күндүн ичинде жеткирүүгө милдеттенди.

Белгилей кетсек, президенттин Турукташтыруу фондунан Нарын шаарына бөлүнгөн 807 миллион сомдун ичинен 130 миллиону коомдук транспорт сатып алууга багытталган.