Жогорку Кеңештин учурдагы депутаттарынын акыркы жыйыны эртең болот. Бул туурасында парламенттин басма сөз кызматы билдирди.

Ал эми Жогорку Кеңештин расмий сайтындагы маалыматтарга караганда, жалпы 13 маселе күн тартибине киргизилген. Анын ичинен эң орчундуусу салык кодекси боюнча мыйзамды үчүнчү окуудан карашат.

Жогорку Кеңештин VI чакырылышынын депутаттары башка чакырылыштан айырмаланып 6 жыл бийликте отурушту.

Ал эми 23-декабрь күнү жаңы шайлоодо утуп келген VII чакырылыштын алгачкы жыйыны башталат.