Эсептөө палатасы 2023-жылга карата Билим берүү жана илим министрлигинде жана анын ведомстволук уюмдарында бюджеттин аткарылышына жүргүзүлгөн аудиттин жыйынтыктарын жарыялады.

Маалыматка ылайык, 2023-жылы министрликтин бюджети 67 724 502,3 миң сомду, анын ичинен кассалык чыгымдар 61 821 556 миң сомду түзгөн.

Аудиттин натыйжасында жалпы бузуулар 723 554,6 миң сомду түзгөнү аныкталган. Анын ичинен калыбына келтирүүгө тийиш болгон 289 658,7 миң сомдун 74,13%ы аудит учурунда калыбына келтирилген.