Финансы министрлигинин өкүлдөрү менен Эл аралык валюта фондунун жетекчилиги жана эксперттеринин катышуусунда Кыргызстанда бюджеттик чөйрөдөгү эмгек акы төлөө шарттарын өркүндөтүү маселелери боюнча жолугушуу болуп өттү. Бул тууралуу аталган министрлик билдирди.

Маалыматка ылайык, талкууларда өлкөдөгү эмгек акы төлөө системасын реформалоонун негизги аспектилери каралган. Ошондой эле Финансы министрлиги тарабынан коюлган 2026-жылдан тарта социалдык чөйрөдөгү айрым кызматкерлердин эмгек акысын этап менен жогорулатуу боюнча милдеттер эске алынган. Жыйында аталган ишти башка өлкөлөрдүн алдыңкы тажрыйбаларын эске алуу менен жүргүзүү сунушталган.