«Газпром Кыргызстан» ЖЧКсы 30-сентябрдан тартып жаратылыш газы үчүн карызы бар абоненттерге көгүлтүр отун берүүнү токтотот. Карызды 30-сентябрга чейин төлөө зарыл.

Газ өчүрүлгөндөн кийин аны кайра кошуу үчүн абоненттер карызын толугу менен жабышы шарт. Төлөмдү «Мой газ», «Мой дом» тиркемелери жана банктардын мобилдик тиркемелери (BAKAI, MBank ж.б.) аркылуу же эң жакын жайгашкан абоненттерди тейлөө офисинен төлөөгө болот. Газ карыз төлөнгөндөн кийинки эки-үч жумуш күндүн ичинде кайра берилет.

Суук түшкөн мезгилге чейин газсыз калбоо жана кошуу учурундагы узун кезектерди болтурбоо үчүн «Газпром Кыргызстан» абоненттерден карыздарын 30-сентябрга чейин толугу менен төлөп бүтүүнү өтүнөт.