Германиянын Штутгарт шаарындагы аукциондо Пабло Пикассонун эки жасалма гравюрасы сатылган. Бул тууралуу DW жазды.

Маалыматка ылайык, бир сүрөт Вормс шаарындагы арт-дилерге, экинчиси австриялык коллекционерге сатылган. Сүрөттөрдүн жасалма экендигин полиция Мюнстер шаарындагы Пикассо музейи менен биргеликте аныктап чыккан.

Тергөөнүн версиясы боюнча, бул жасалма иштердин артында Италиянын жараны турат. Ал көп жылдан бери Пикассонун 1930–1937-жылдары жараткан Suite Vollard аттуу 100 офорттон турган сериясынын көчүрмөлөрүн жасап келгени менен таанымал.