.svg){kind=logo}
Наристе даараткананын чуңкуруна кулап каза болдуТүркияда деңиз жээгинен кыргызстандык жарандын сөөгү табылдыБишкектеги №24 мектепте миллион сомдук акча чогултуу боюнча кылмыш иши козголдуИран менен АКШнын ортосундагы 14 пункттан турган меморандумдун долбоору жарыяланды — толук маалыматСауна, мончо жана тамактануучу жайлар үчүн салык ставкасы төмөндөтүлөтУнаалардын алдыңкы каптал айнектерин караңгылатуу акысы бир айга арзандады
Грек-рим балбандары дүйнө чемпионатында байгесиз калды
29.10.2024 | 11:23
Кыргызстандын грек-рим балбандары Албанияда өтүп жаткан дүйнө чемпионатында байгесиз калды.
Күрөштүн олимпиадалык эмес салмактары (55, 63, 72, 82 кг) боюнча чоңдор арасында дүйнө биринчилиги кечээ, 28-октябрда башталган.
Кыргызстандын атынан таймашка чыккан Улан Муратбек уулу (55 кг), Ырыскелди Хамзаев (72 кг), Азат Салидинов (82 кг) биринчи беттешинде, ал эми Дастан Кадыров (63 кг) экинчи кармашында жеңилүү ызасын тартты. Аларды уткан балбандар финалга чыга албай калгандыктан, кыргызстандык спортчулар коло үчүн күрөштү улантуу мүмкүнчүлүгүнөн ажырады.
Бүгүн дүйнө чемпионатында кыз-келиндер күрөшү боюнча таймаштар өтөт. Кыргызстандан ага эч ким катышпайт. Ал эми эртең, 30-октябрда эркин күрөш боюнча беттештер башталат.
