13-июнда Бишкектеги Ынтымак-2 сейил багында Балдарды коргоонун эл аралык күнүнө карата салттуу дипломатиялык жарманке уюштурулат. Бул тууралуу Кыргызстандын Тышкы иштер министрлиги билдирди.

Иш-чара министрлик тарабынан чет мамлекеттердин элчиликтеринин жана эл аралык уюмдардын колдоосу менен өткөрүлөт. Жарманкеде дүйнө элдеринин улуттук сувенирлери, кол өнөрчүлүк буюмдары сатылып, салттуу тамак-аштар сунушталат.

Сатуудан түшкөн бардык каражаттар кайрымдуулукка жумшалат. Жарманке саат 15:00дөн 19:00гө чейин созулат. Уюштуруучулар шаардыктарды жана конокторду аталган кайрымдуулук акциясына катышууга чакырды.