Министрлер кабинети транспорт каражаттарынын алдыңкы каптал айнектерин караңгылатууга (тонировка) уруксат берүү үчүн жыйымдын баасын убактылуу төмөндөтүү жөнүндө токтом кабыл алды. Бул тууралуу өкмөттүн басма сөз кызматы билдирди.

Жеңилдетилген мөөнөт үстүбүздөгү жылдын 15-июнунан 15-июлуна чейин бир ай бою күчүндө болот. Бул чечим унаа ээлерине уруксат кагаздарын тариздөөдө шарт түзүү максатында кабыл алынган.

Убактылуу тарифтердин өлчөмү:

• Жеке жактар (резиденттер) үчүн — 35 миң сом;
• Юридикалык жактар үчүн — 55 миң сом;
• Чет өлкөлүк жарандар (нерезиденттер) үчүн — 75 миң сом.

Токтом 2026-жылдын 15-июнунан тарта күчүнө кирет.