Бүгүн, 11-июнда, Грузиянын премьер-министри Ираклий Кобахидзе Кыргызстанга расмий сапар менен келди. Жогорку даражалуу конокту «Манас» эл аралык аэропортунан Министрлер кабинетинин төрагасы Адылбек Касымалиев тосуп алды.

Минкабдын маалыматында, Кобахидзенин иш сапары ррезидент Садыр Жапаровдун чакыруусу менен ишке ашууда. Бул эки өлкө ортосунда дипломатиялык мамилелер орнотулгандан берки Грузиянын Өкмөт башчысынын Кыргызстанга жасаган алгачкы расмий сапары болуп саналат.

Сапардын алкагында жогорку деңгээлдеги сүйлөшүүлөр пландалган. Анда кыргыз-грузин кызматташтыгын кеңейтүү маселелери талкууланып, эки тараптуу укуктук базаны чыңдоого багытталган документтерге кол коюлушу күтүлүүдө.