Жыл башынан бери Кара-Суу районунун аймагында 327 жол кырсыгы катталган. Бул туурасында Ички иштер министрлиги билдирди.

Маалыматка караганда, бул кѳрсѳткүч былтыркы жылга салыштырмалуу 85 учурга ѳскѳн. Жол кырсыгынан 51 адам каза болгон. Былтыркы жылы 46 адамдын ѳмүрү кыйылган. Жарат алгандар 618, былтыр 366 адам денелеринен ар түрдүү жараттарды алышкан.

Талдоо кѳрсѳткѳндѳй, жол кырсыктары айдоочулар тарабынан жол кыймыл эрежесин сактабай ылдамдыкты жогорулатып, туура эмес озуп ѳтүү учурунда жасалган кырсыктар басымдуулук кылганы белгилүү болгон.