Кыргызстандык Мадина Исмаилова Кыска метраждуу фильмдердин Рим фестивалында “Түнкү басырык” (Ночная ведьма) тасмасы менен биринчи орунду жеңип алды. Бул туурасында Жогорку Кеңештин депутаты Нуржигит Кадырбеков өзүнүн фейсбуктагы баракчасына жазды.

Анын айтымында,  Мадина Исмаилова – “Ыйман нуру” фракциясынан Жогорку Кеңештин депутаты, парламенттин Социалдык саясат комитетинин төрайымы Динара Ашимованын кызы. Голливудда атайын билим алып, тажрыйбасын арттырган Мадина, бүгүнкү күндө, АКШнын Лос-Анжелс шаарында эки кинокомпанияда оператор катары эмгектенүүдө.